<?xml version="1.0" encoding="UTF-8"?><song><hymn_number>64</hymn_number>
<title>I HAVE FOUND A FRIEND</title>
<lyrics>[V1]
 1. Guol ka nei hi, aw Guol ziebang!
 Ka het man le ei lungsiet;
 Hehpihna khaugui in ei luoi,
 Amah tawh ei kan khawm hi.
 Kimatna ka lunggila um,
 Kuoman zie chuh phel thei lo;
 Kei Amah a, Amah kei a,
 Kumsawt, kumsawt chan inle!

[V2]
 2. Guol ka nei hi, aw Guol zie bang!
 Ei hukdam din A hung thii;
 Hinna ei piek mai hilo in,
 Kei dingin a kipum piek.
 Ka neih kei a tih theih um lo,
 Ei piepa dingin ka piei;
 Lunggil, hatna, hinna, bangcheng,
 Kumsawt, Amah a ahi.

[V3]
 3. Guol ka nei hi, aw Guol zie bang,
 Thuneihna cheng piek ahi;
 Ka damsunga ei veng dingin,
 Bittak a van eitun ding.
 Kumsawt lopina vak achun,
 Kipiekna chau hihhat ding;
 Tun ngaka! nasem! galdo in!
 Chun kumsawta chawl dingin!

[V4]
 4. Guol ka nei hi, aw Guol zie bang!
 Nunnem, thudik leh zaidam;
 Lemguot thiempa, Ching leh puipa,
 Ei chingpa thilhihthei chuh!
 Ziebang ei lungsiet pa apat.
 Bangin ka tha a khen dem?
 Hin, thihna, lei, gawtmun in maw?
 Khenlo, Amah a ka hi.</lyrics>
</song>